Nagising ako dahil sa malansang amoy. Wala akong makita at nakatali ang aking mga kamay sa kinauupuan kong upuan. May busal din ang aking bibig.
"Gising ka na pala," wika ng lalaki.
"Hmmmm!"
Humalakhak siya at ramdam ko ang titig niya sa akin. Inilihis ko ang aking ulo nang hawakan niya ang mukha ko.
"Kaya pala baliw na baliw sa 'yo ang asawa mo. That sick bastard is so lucky to have you, huh?" matigas niyang saad.
Kung wala lang busal 'tong bibig ko kanina ko pa 'to tinalakan. Kahit anong hila ko sa kamay ko ay napapaigik na lang ako sa sakit. Masiyado iyong mahigpit at hindi ko kayang tanggalin. Ramdam ko pa ang sugat.
Tinanggal niya ang piring sa aking mata at nanlalabo ang aking paningin. Bumulaga sa akin ang lalaking nakaupo sa harapan ko at nakangisi. Pulang-pula ang mga
