C H A P T E R T H I R T Y SEVEN
“Nahuli ang ilan sa mga rebeldeng nanghostage sa isang ginang noong nakaraang araw lamang. Ang ginang na biktima ay kinikilalang ina ng public reporter ng Project Heroes na si Marikit Trinidad. Matapos nilang takutin ang mga residente sa lugar habang nakagapos sa isang bomba ang ginang ay nagtangka ang mga itong tumakas ngunit hindi nagtagumpay dahil naabutan at nahuli ng ating Super Heroes na sila Lethal, Cent at Mint.”
Napalunok ako nang panoorin sa telebisyon ang video ng pangyayari kahapon. Parang kahit siguro ilang araw o buwan o taon pa ang lumipas, kapag napanood ko pa rin ang bidyo na ‘yan ay hindi ko pa rin kakayanin kumalma.
Huminga ako nang malalim at kinalma ang sarili ko.
Okay na si mama, nailipat na siya sa mas secured na village actually.
