Pinagpapapraktisan ni Moonshine ang pintuan bilang ehersisyo. Nakita niyang puwede iyong itulak sa labas at sa loob dahil ganoon ang nakikita niya sa tuwing may papasok at lalabas sa pintuan.
“Hmmmmmm…” maiiri na siya pero kahit siwang ay wala.
Ilang beses niya iyong inulit-ulit. May pagkakataon pa ngang tumakbo siya at itinulak iyon. Natuwa siya nang masilayan ang labas ng bahagya pero agad ding sumara nang mawala ang kanyang konsentrasyon.
“Ay!”
Napasimangot siya at uminom uli ng tubig, ang laman ng pitsel na kapupuno lang wala pang tatlumpung minuto ay kalahati na lang ng baso niya ang nalagyan. Pero binalikan pa rin niya ang pintuan para pagpraktisan.
“MASTER, DRIFHER?”
Nagmamadali si Pandora na lapitan si Drifher dahil baka makapasok na ito sa loob ng kuwarto ni Moo
