Nasa aming tahanan na kami ngayon. Tinanggal na rin ang posas sa amin pero napapalibutan ang buong tahanan namin ng mga guardia civil.
Labis ang pagdadalamhati nina Ate Felicidad, Clara at ina ngayon dahil hindi nila inasahang wala na talaga si ama. Hindi man lang nila nakita at nayakap sa huling pagkakataon si ama. Sinabi ko na rin sa kanila ang huling bilin ni ama. Iyong mahal na mahal niya kami. Gagabayan niya kami kahit wala na siya. Hindi niya kami pababayaan.
Wala pa rin silang alam tungkol kay Kuya Joaquin. Kung nasaan siya at bakit bigla siyang nawala. Hindi muna namin sinabi ni Paulita ang tungkol sa bagay na iyon.
Ngayon ay nasa aking silid ako. Kasama ko di Ate Felicidad. Nais ko sanang sabihin sa kaniya na narito si Andres sa bayan ng San Juan. Ngunit naguguluhan ako kung p
