Nagsimula nang magkaharap at magkausap si Heneral Salvador at si Don Emilio. Mas lumapit pa nga kami ni Paulita upang marinig namin ang kanilang usapan. Nakikinig din ang pamilya ko na nasa likuran ni Don Emilio kasama si Florencio at Donya Candida. Sa likuran naman ni Heneral Salvador ay ang mga kasama niyang heneral din saka sa likod pa ng mga ito ay ang mga guardia civil. Nasa iba't ibang puwesto naman ang mga tao, pati na rin yata ang mga hindi imbitado sa kasal ay naroon din yata upang makiusyoso.
Sinilip ko naman si Ate Felicidad, ina, Clara at... "Nasaan si Kuya Joaquin?" hindi napigilang mailabas ng bibig ko.
"Marahil po ay nakita na siya ni Kuya Andres, binibini. Baka inilayo na niya," sabat ni Paulita.
"Sana nga." Hindi ako mapakali lalo na ngayong nagtaasan na ng mga boses a
