Chapter 71
FROILAN'S POV Nang mawala si Rouin sa tabi ko sa Universal Studios ay ganoon na lang ang pag-aalala ko. Hindi pa naman siya sanay sa lugar na ito. Hinanap ko siya sa kung saan-saan, at ipinagtanung-tanong sa mga nakakasalubong ko ngunit hindi ko siya nakita. Maghapon akong naghanap sa kaniya ngunit wala pa rin. Para akong masisiraan ng bait nang dahil doon. Napuno lalo ang kaba ko nang abutin na ako ng gabi. Nagsara na ang Universal Studios, at lahat ng naroon ay nakalabas na rin subalit si Rouin ay hindi ko pa rin nakikita. Inumaga na ako sa kalsada sa kakahanap sa kaniya ngunit bigo ako. "Bwisit!" Napasuntok na lang ako nang malakas sa pader dahil sa magkakahalong emosyon. Kailangan ko siyang mahanap. Mamamatay ako kapag nawala siya sa akin. Hindi ko mapapatawad ang sarili ko kapag may
- Writer
