CHAPTER 64: STRATEGY
Rhys's POV
Hindi na kami nakaangal pa nang magsimula si Cecily na magbigay ng suhestiyon niya sa planong pagligtas ng Reha.
"Gusto ko silang sugurin ng harapan! Ang sakit ng ginawa nilang sugat sa akin tapos hindi pa ako nakakaganti, ito na ang tamang oras para r'on," aniya.
Narito pa rin kami sa kwarto niya at hindi na namin nagawang maupo ulit nang magsalita siya bigla na gusto na niyang lumaban agad. Ngayon ko lang nakita sa maamo niyang mukha ang determinadong itsura, salubong pa nga ang dalawang kilay niya habang nakakuyom ang kaliwang kamao... para bang naghahanap na talaga siya ng away.
Napabuntong hininga na lang ako. "Sige, maupo ka na ulit sa kama mo at pagplanuhan na natin ang pagsugod," sabi ko na lang.
Agad niya akong sinunod kaya tiningnan ko na lan
