“Tama na! Ano ba?" sigaw ko, at napapapikit pa ako sa kada suntok na tumatama sa mukha ni Justin.
Hindi kasi siya makaganti dahil sa sunod-sunod na suntok na ginagawa ng lalaking pakialamero na biglang sumugod kanya. Inupuan pa siya nito kaya hindi siya makakilos.
Sumasakit ang dibdib ko na nakikita siyang walang kalaban-laban. Ang laki kasi ng katawan ng lalaking hïnayupak na sumugod sa kanya. Ang hindi ko lang maintindihan, bakit niya ‘to ginagawa? Anong motibo niya?
“Hoy! Awitin n’yo, ano ba? Reynald, tulungan mo si Justin!" sigaw ni Shaira.
Maging sina Lu at Pia ay iyon din ang sigaw. Niyugyog pa nila si Reynald na nanonood lang habang ginugulpi ang pinsan niya. Pero hindi man lang ito kumilos, para lang itong poste na nakatayo lang at naghihintay na matumba.
“Tigilan mo na ‘y
