Hindi ko alam kung ano ang gagawin ko, o kung ano ang dapat kong maramdaman habang nilalasap ni Justin ang labi ko. Ang tagal kong hinintay na muling mangyari ang ganito. Ang tagal kong hinintay na muli kong maramdaman ang pagmamahal niya, pero kasi… hindi iyon ang nararamdaman ko ngayon. Ayoko ng klase ng halik niya—halik na parang binabastos ako.
Pumatak na lang ang mga luha ko. Gusto ko siyang itulak. Gusto kong patigilin siya sa ginagawa niya, pero hindi ako makagalaw. At siya, hindi niya nararamdaman na nasasaktan ako dahil sa ginagawa niya. Hawak niya pa batok ko habang dinidiin ako sa pinto at marahas pa ring hinahalikan.
“Ano ba, Justin!" Sa wakas nagawa ko ring magsalita sabay ang pagkagat ko sa labi niya na dahilan ng pagtigil nito sa ginagawa niya. “Hindi ka na nagbago. Abus
