Panay ang tawag ni Jace sa kanya ngunit mabilis niya itong pinagsarhan ng pinto. Hindi niya matanggap na nasabi nito sa kanya ang ganoong mga salita. Ganoon ba kababa ang tingin nito sa kanya? Dahil nagawa niyang ipagkaloob ang sarili dito, sa tingin ba nito gano'n lang kadali para sa kanya na ibigay ang sarili sa ibang lalake?
Sapo ng likod ng kanyang palad ang kanyang bibig upang hindi siya tuluyang mapabulalas ng iyak. Muntik pa siyang mabuwal mula sa pagkakasandal niya sa likod ng pinto. Hindi maalis-alis sa kanyang isipan ang itsura ni Jace habang sinasabi ang mga salitang 'yon sa kanya. Of all people, hindi niya inaasahan na manggagaling dito ang masasakit na salitang 'yon. Pero kasalanan naman niya 'di ba? Bumigay siya rito! Kaya ano ang aasahan niya? Na tratratuhin siya nito bila
