Buong akala ni Jace, hindi niya nagustuhan ang sinabi nito. Wala kasi siyang naging imik, at sa tuwing kakausapin siya nito, panay tango at iling lamang ang kanyang tugon.
"Jace, ang kulit mo!" Panay ang piksi niya sa tuwing kukulitin siya nito at kikilitiin sa tagiliran. Sa edad nitong thirty-two, he sometimes act like a child. Lalo na kapag kinukulit siya o kaya ay nilalambing. Katulad ngayon, hindi talaga siya nito tinigilan hanggang sa kausapin niya ito.
"Parang yayakap lang, eh..."
"Yakap na 'yang kung saan-saan na napapapunta ang mga kamay mo!" singhal niya rito.
Tumigil naman ito kaya lang, nanatili itong nakayakap sa kanya habang manaka-nakang hinahalikan siya sa likod. "Ano ba kasi ang gusto mo?"
Ngumisi ito sa kanya. "Sinabi ko na ang gusto ko sa'yo kanina 'di ba?"
"In y
