CHAPTER 42:
Madaming bagay ang dapat sana ay iniisip nang maigi ni Shaika bago niya gawin, at isa sa mga bagay na iyon ay ang desisyon niya sa pagsama kay Owen na harapin at kausapin ang kaibigan nito. Hindi siya duwag at mas lalong hindi siya makakaramdam kahit pa kaunting takot sa taong iyon… pero ngayong malapit na sila sa lugar kung saan nila makakausap si Thunder ay tila gusto niyang bawiin na gusto niya itong kausapin.
Hindi ito sa pagiging duwag, pero sa tingin niya kasi ay wala siya dapat sa pagkakataong ito. Katwiran niya, wala naman siyang kinalaman sa problema ng dalawa dahil hindi naman sa kanya nanggaling ang issue na kailangan nilang ayusin. Pakiramdam niya tuloy, sa ginagawa ni Owen na ito ay ipinamumukha ng binata kay Thunder na ano man ang kahantungan ng kanilang magigin
