KASALUKUYANG ino-operahan ang sugat ni Amore na natamo. Kailangan agad matanggal ang bala na tumama sa kanan niyang dibdib. Nasa kritikal na kondisyon ang buhay niya. Pangalawang pagkakataon na itong nangyari sa kanya.
Naghihintay sa labas ng silid si Liam sa paglabas ng doctor. Hindi siya mapakali. Natatakot siyang baka mawala si Amore. Gusto niyang magalit sa sarili sa pagkakataong ito dahil sa kanya napahamak na naman ulit si Amore.
Samantalang hinahabol pa rin nina Ezekiel at mga kasamahan nito ang patakas na si Regor. Hindi nila ito tatantanan hanggat hindi nila nahuhuli, buhay man o patay.
Tumulong na rin ulit ang mga kasamahan nina Marco. Maging ang iba pang sangay ng pulisya. Wanted na ngayon si Regor. Kailangan na niyang pagbayaran ang mga kasalanan niya sa batas. Marami na
