Humigit-kumulang isang oras na lamang bago magbukangliwayway.
Kung mayroon mang nakagapos ngayon sa ilalim ng puno ng balete sa loob ng kakahuyan na malapit sa pook na kung tawagin ng mga Tagamingwit ay "bitukang manok," kung mayroon mang nakagapos din sa mismong puno din ng balete na nasa gulod malapit sa daungan na nakapagitna sa kabunbukan ng San Kristobal at hasyenda ni Mayor Sugay, kasalukuyan ding mayroong isang nilalang na hindi man nakagapos sa isang puno ay nananatili namang bihag ng kaniyang sariling kahinaan.
Ito si Lea.
Gamit ang ilaw ng kaniyang flashlight ay paulit-ulit niyang sinubukang ihagis ang gawa-gawang lubid upang maisampay ito sa nakalawit na marmol na kanto ng nakatabinging lapida ng isang nitso sa loob ng maputik, masangsang, malamig at madilim na pangawan. Nagp
