Haguhit: Sa Kalagitnaan ng Mahabang Lubid ng Zipline ng Buhay
Marapat lamang na isa-isahin natin, suyurin natin sa pagkakabuhol-buhol, suriin ang bawat pulgada ng lubid ng zipline ng ating kuwento tungkol sa isang nagbabalik-lalawigan at adbenturosong lalaki na ang pangalan ay Arvin Mabugal at ang kaniyang asawa na si Lea. Para sa kapakanan ng karaniwang mambabasa ay kailangan itong mangyari. Habang ang mismong kuwento'y kasalukuyang nasa kalagitnaan ng mahabang lubid ng zipline ng buhay, at pikitmata tayong sumasabay na lamang sa pagpapatihulog sa bawat yugto. Marapat lamang na bigyan natin ng lalim ang mga katauhan at ang kanilang mga kaugnayan sa isa't isa; gayundin ang saloobin ng mga katauhan na bihira nilang ipakita o tahasang ipahayag, upang hindi manganib ang kanikanilang layunin
