Kinabukasan ay naging maganda ang gising ko. Ganito talaga siguro kapag alam mong mahal ka ng boyfriend mo.
Kahit na nauwi sa pang-aasar ko kay Tyron ang usapan namin kahapon ay naging malinaw naman sa'kin ang lugar ko sa buhay niya lalo na ngayong nasa eksena na si Kristelle at ang anak nila.
Tingin ko ay lalong naging mas makatotohanan na iyong pagiging magkarelasyon namin, lalo na matapos iyong nangyari sa aming dalawa. Hanggang ngayon ay parang tuksong paulit-ulit pa rin iyong bumabalik sa isipan ko.
Hindi ako makapaniwalang naisuko ko nang gano'n- gano'n na lang iyong sarili ko at hindi ko man lang pinagsisihan nang kahit konti.
Sinabi pala ni Nanay kagabi na ayon kay Tita Flor ay hindi na ako obligadong maging personal maid ni Tyron, pero pwede pa rin naman akong tumulong kung s
