Buong akala ko ay sa harapan lang ni Ate Lucy at Maezy ako makakaranas na ma-hot seat dahil kay Tyron, pero mali pala ako.
Magkatabi sila ni Tito Raffy na nagkakape nang mapadaan ako sa patio. Kampanti pa akong naglalakad dahil akala ko ay hindi niya ako napansin kaya nagulat ako nang bigla niyang tawagin ang pangalan ko.
"Hello, Akira." Matamis siyang nakangiti sa'kin nang mapahinto ako dahil sa pagtawag niya.
Lumapit pa siya sa terrace ng patio at ipinatong ang mga braso roon habang hindi hinihiwalay ang tingin sa'kin.
Nababahala akong nagpalinga-linga dahil baka may ibang tao sa paligid. Kinakabahan na naman ako sa kung anong binabalak ng lalaking ito.
"Good morning po," napilitan kong tugon. Pakitang-tao dahil kasama niya si Tito Raffy na abala sa binabasang diyaryo.
Akmang lalam
