NAGPATULOY ANG araw na ‘yon at hindi batid ni Markus na may kalakip na isang gantimpala para sa kaniya. Naging palaisipan pa rin sa kaniya kung ano ang kaniyang mga nakita. Ang pagpapalit ng anyo ng itim na oso para maging isang tao at ang hindi karaniwang anyo ngayon ni Betina. At dahil iyon ang itinakdang araw ng paghahatol ay labis ang kabang kaniyang nararamdaman.
“Markus, binabati kita dahil napagtagumpayan mo ang ‘yong misyon. Ngayon ay maibabalik na sa dating anyo ang aking mga isinumpang tao bilang gantimpala sa’yong sakripisyong pag-aalaga sa kanila, at gayundin sa mga tunay na oso.” Tipid siyang napangiti at gayundin si Betina na mukhang masaya para sa kaniya. Pero hindi pa pala natatapos doon ang masayang sandali dahil muli itong nagsalita na labis na ikinasaya ng puso niya. “
