CHAPTER 72
Nang ihatid nila si Airish sa Malakanyang ay mabilis niya itong pinagbuksan ng pintuan ng sasakyan. Sinikap din niya uling humingi ng kahit ilang sandali. Yung sana dalawa lang silang mag-usap para maayos ang kanilang problema.
"Mag-usap naman tayo please? Sabihin mo lang kung saan at kailan, darating ako. Hihintayin ko ang text mo, Airish. Parang awa mo na, hirap na hirap na ako." namumula ang kaniyang mga mata dahil sa sobrang hinagpis ng kaniyang kalooban.
"Rap, maaga tayo bukas papuntang Tagaytay para maghatid ng tulong doon sa mga nasalanta ng pagputok ng bulkan. Katatanggap ko lang ang tawag ni Daddy." Seryosong sinabi iyon ni Airish sa pinsan niya na para bang wala siyang pakialam sa pakiusap nito.
Sinikap niyang sabayan ito sa paglalakad bago pa man makapasok sa l
