CHAPTER 71
"Tanga na kung tanga Rap. Okey lang. Pero sa ngayon, mas magiging matapang na ako. Maging kami man o hindi, iyon ang gusto kong patunayan niya. Nasa kung paano niya ako ngayon paninindigan o paninindigan ang sa kanila ni Janna. Hindi naman ako ang dapat sinisisi dito. Si Justine higit lalo."
“Pero may magagawa ka. Kaya mo siyang iwanan para sa bata, para kay Janna.”
“Bakit ako ang kailangan magdesisyon?”
"Ikaw ang bahala." Mapaklang sagot ni Rap. Halatang hindi niya kayang paliwanagan ang kaibigan. Sarado pa ang utak nito. Isinara ng matindi nitong emosyon at hindi siya natutuwa sa balak ng kaibigan.
"Rap, hindi din madali ang ginawa ni Justine na amining mahal niya ako sa harap mismo ni Janna. Hindi niya itinangging mahal niya ako sa mismong harap ng babaeng matagal na din
