Chapter 41
Prepared
Lumipas ang mga araw at bumalik ulit ako sa sitwasyon na iniiwasan ko si Justice. Hindi na ako pinapalabas nila Inang at Itang sa loob ng bahay. Kadalasan, si Imong o si Jeezrel ang nagpapalitan sa pagtulong kina Inang sa palengke. Nakakatawa, dahil kung noo'y hindi ako sang-ayon sa pinapagawa nila sa akin, ngayon, nagdadasal ako na sana, maisipan ni Justice na nagsawa na ako sa kaniya kung kaya'y hindi na ako nakikipagkita pa.
Ako ang siyang nag-aalaga sa maysakit ngayong si Yesha. Inatake na naman siya ng asthma kaya't magandang dahilan din ito upang makaiwas kay... Justice.
"Talagang bantay na bantay ka nila Itang, ano?"
Nilingon ko si Vyanne na nakataas ang kilay at nakaismid sa akin. Nakahalukipkip siya't suot niya ang pambahay niyang damit. Wala siyang pasok
