Chapter 42
Mundo
Hindi ako halos makatulog sa pag-aalala para kay Vyanne. Pinutol na nga niya talaga ang komunikasyon sa akin. Gusto kong humingi ng tawad sa kaniya. Malaki ang pagkukulang ko na hindi ko man lang siya nagawang kontakin noong mga oras na kailangan niya ako.
Bagaman ay nababahala rin ako sa kaniyang pagbabanta laban sa akin, mas inaalala ko pa rin ang sitwasyon niya. Hindi ko lubusang maisip kung paano niya nakakayanan ang sitwasyon na siya lamang mag-isa. Na walang sumusuporta sa kaniya na kahit sino, maging ang mga magulang namin ay itinakwil na siya bilang anak.
Itinaktak ko ang hawak na papel sa mesa. Ngayon natapos ang meeting ni Atty. Justice Vergara sa isa sa mga kliyente niya. Hindi naman siya nauubusan ng mga kliyente. Bukod kasi sa sikat ang kanilang pamilya pa
