Chapter 46
Patawad
“V-Vyanne?”
Iyon ang namutawi sa aking labi habang nakatitig sa kaniya. Nasa tabi na siya ni Inang habang ang mga braso ay nakatupi sa ibabaw ng kaniyang dibdib. Nakaangat ang tingin, nakataas ang sulok ng labi.
“Kung magagalit ka sa akin, Donita, pasensya ka. Sinabi ko lang kina Inang ang totoo,” salag niya.
Nagtiim ako ng bagang. Alam kong may kuwento ang lahat ng 'to. Hindi basta-basta na lang na nalaman nila Inang na kasama ko nga… ang lalakeng 'yun.
“Paano mo sinabi kina Inang?” malamig kong tanong.
Agad siyang napakurap. Hindi niya yata inaasahan ang tanong ko.
“Bakit mo pa kailangang malaman?” dinig ko ang bahagyang taranta sa boses niya.
“Tinatanong ko lang, Vyanne, kung paano mo nasabi. Ba’t ka natataranta?” mahinahon kong tanong.
“Sinabi sa a
