Chapter 47
Pinagpalit
Sandaling dumaplis ang tingin ko kay Itang na pinapanood ang sitwasyon namin. Umiwas siya ng tingin at nagkuyom ng panga. Nakaramdam ako ng hiya sa kaniya. Bakit ba pumunta pa si Justice? Kung kailan naman na inaayos ko na ang sarili ko kina Itang at Inang... guguluhin na naman niya ang buhay ko!
Kumurap-kurap ako sa pagbabadya ng luhang namumuo na naman sa mga mata. Sinubukan ko siyang itulak pero lalo lamang niyang hinigpitan. Ang masama pa, nanghina ako nang isinubsob ni Justice ang ulo niya sa leeg ko. Nakagat ko ang labi ko. Sa tipuno at laki pa ng katawan ni Justice, kulang na lang, tabunan ako ng malapad niyang mga braso upang huwag lang makawala sa kaniyang mga bisig.
Nanginig ang katawan niya. "D-Donita, d-don't... don't leave m-me..." halos magkandapiyok
