MULING lumipas ang isang linggo at muling bumaba si Cris ng bundok. Gabi pa lang umalis na siya kasama ng tatay ni Rita dahil ayaw ni Romeo na pag-abutan siya ng sinag ng araw sa bayan sapagkat alam niyang nagkalat ang mga tao ni Zandro at baka siya ay matiyempuhan.
Habang naglalakad sila pababa ng bundok pinag-uusapan na nilang dalawa ang kanilang gagawin pagkadating nila sa baba. Naging malapit na rin si Cris at Romeo sa isa't isa. Para silang mag-amang dalawa kung pagmamasdan. May mga dala rin silang gulay na ibebenta upang may pambili sila ng bigas at ulam.
Alas kuwatro ng madaling araw nang marating nila ang paanan ng bundok. Agad namang nagpunta si Cris sa bayan upang bumili ng load nang sa ganoon ay makontak nila si Dennis habang naiwan si Romeo naghihintay sa kaniya.
Nang makab
