"Finally, I saw you!" ani ng babae nang humarap ito kay Rita. Sinenyasan niya rin ang amain ni Rita na lumabas sa lumang bahay upang doon magbantay kasama ng isa pa niyang tauhan.
"Kilala ba kita?" matapang na tanong niya sa babae nang tuluyan nang makalabas ang kaniyang amain sapagkat hindi niya maalala kung saan niya ito nakita at mas lalong hindi niya rin maalala kung saan niya ito nakilala.
Imbes na sagutin siya nito ay tinawanan lamang siya nito.
Tila naguguluhan siya kung ano ang motibo nito sa pagkidnap sa kaniya. Ang malinaw lamang sa kaniya ay ang muling pagkikita nila ng kinasusuklaman at kinamumuhian niyang tao. Hindi niya maintidihan kung ano ang ugnayan ng mga ito sa isa't isa. Kahit na kinakabahan siya sa mga nangyayari ngunit pilit niya itong pinaglalabanan sapagkat wala
