--------
***Arabella's POV***
-
Nararamdaman ko ang malamig na bakal ng baril na nakadiin sa sentido ko, pero mas nanunuot sa buto ang lamig ng tinig ni Eryiel habang siya ay nagsasalita. Ramdam ko rin ang panginginig ng kanyang katawan—hindi dahil sa takot, kundi sa galit na matagal niyang kinimkim, galit na unti-unting bumabalot sa kanyang pagkatao. Hawak niya ako nang mahigpit, mahigpit na tila ba wala na akong kawala sa kanyang mga kamay.
Kaharap namin sina Tito Salve at Tita Andrea, kasama sina Jodi at Andrew. May ilan ding mga pulis din, mahigpit ang hawak sa kanilang mga baril, handang kumilos anumang sandali. Ngunit sa kabila ng lahat ng ito, isang kirot ang tumama sa dibdib ko nang mapansin kong hindi kasama si Harold sa grupo. Napayuko ako nang bahagya, pilit nilulunok ang pa
