Nakalabas na si Tope ay tulala pa rin si Amber. Ilang saglit pa ay bigla siyang natauhan.
"Tangina!" Naihilamos niya ang mga palad sa mukha. "Kiss lang yon sa pisngi. Walang malisya! Walang malisya... s**t!"
____
____
"ATE AMBER!"
Nangunot ang kaniyang noo matapos yugyugin sa braso ni Angela. Gusto pa niyang matulog nang mas mahaba pero hindi siya nito tinantanan kaya napilitan siyang magmulat.
"Ano ba 'yon, Angela? Antok pa 'ko, eh!"
"Hala! Alas nuwebe na kaya! Maaga ka namang natulog kagabi, ah? Ba't lagi kana lang tinatanghaling gumising?" Nakapameywang na ito sa harap niya.
Umingos siya at napatingin sa kama. Mag-isa na lang pala siya roon. Madalas ay nagigising siyang katabi niya si Tope habang niyayakap siya.
Magmula no'ng dumating sila sa maganda nitong bahay, lagi niy
