Pagkaraan ng dalawang araw pagkatapos siyang ipasyal ng kanyang Kuya Paulo sa isang beach sa Batangas ay naging okay na ulit silang dalawa. Parang nalusaw ang lahat ng tampo niya dito at maging ang kakaiba niyang nararamdaman kapag nakikita niya ito ay bahagyang nabawasan. Naging magaan na kahit paano ang kanyang pakiramdam hanggang sa...
Sumilip siya sa malawak na pool ng kanilang bahay at doon niya nakita si Patricia na nakahilig ang ulo sa malapad na dibdib ng kanyang kuya. May gumuhit na sakit sa kanyang puso, na pilit na naman niyang binubura sa isipan niya pero lalong sumasakit habang nakikita niyang magsama ang dalawa kapiling ang isa't-isa. Sunod niyang nakita na hinalikan ni Patricia ang kanyang Kuya Paulo at tinugon naman ito ng huli. Napapikit na lang siya pagka
