Matataas na bangin, malalaking puno at sariwang hangin ang nasisilayan niya bahang bumibiyahe sila ni Brix papuntang Aurora. Mas pinili nilang buksan ang bintana ng kotse upang makalanghap sila ng sariwang hangin. Ito ang kapayapaan na gusto niyang maramdaman dati pa. Ang mabuhay na walang iniisip na mga taong dapat na sundin sa lahat ng oras. Hindi kailangang maging perpekto sa mga harap ng maraming tao lalo na sa mata ng mga magulang niya.
Nang sabihin niya ka Brix na gusto niyang sumama pabalik ng Aurora kasama ito ay agad niyang nakita ang saya sa mga mata nito. Saya na hindi niya madama sa tuwing kasama niya ito. Pinilit niyang ipikit ang kanyang mga mata upang damhin ang payapang sandali kasama si Brix. Ngunit bigla na lang na ruhimistro ang imahe ng kanyang Kuya Paulo ng magsimula
