Kung hindi ba naman kasi isa't kalahating tanga si Draven! Mabuti na lang at hindi ako nasugatan at napaso bagong luto pa naman 'yong lugaw ni Lola.
"Bilisan mo ang pagluto at gutom na si Lola," maawtoridad kong utos sa kanya at saka ko na ito iniwan sa baba.
Bwisit talaga!
"O, Apo nasaan na ang pagkain ko?" tanong ni Lola pagpasok ko sa loob ng kwarto.
"Niluluto pa po ni Draven, La dumating na po kasi siya." Minabuti kong huwag ng sabihin kay Lola ang totoong nangyari dahil malamang ay mag-aalala lang siya.
"Talaga? Aba mabuti naman at nandito na siya," masayang turan ni Lola.
Natutuwa ako sa ekspresyon ng pagmumukha ni Lola nang malaman niyang nandito na si Draven, tila ba happy pill niya ang pulis na 'yon. Nakakatuwa lang din si Draven dahil kahit sa kabila ng pambabalewala ko s
