“What‘s happening here?”
Napaayos ako ng tayo nang marinig ang boses ni Kuya na kapapasok lamang sa kusina. Saglit akong tumingin kay Yvvo—I mean, kay Iverson, bago muling tumingin sa aking kapatid.
“Kukuha lang ako ng tubig,” paalam ko bago pumunta sa may ref kung saan naroon ang tubig.
“I already talked to Danielle about the investment. Pupunta na lamang daw siya rito para personal naming mapag-usapan ang tungkol doon,” dinig kong sabi ni Kuya kay Iverson bago naupo sa puwesto niya sa hapagkainan.
Hindi ko naman maiwasang mapangiwi dahil sa ginawa niya. Hindi pa ba sila aalis at babalik sa sala para doon mag-usap?
“I’ll talk to her instead. She’s quite busy these past few days,” sagot ni Iverson at malakas na bumuntong hininga. “We brought Mamang Ichi to the hospital once again
