CHAPTER FORTY-FIVE
AMBER'S POV
"BABY, huwag na kaya?" Rinig kong sabi ni Ze sa akin. Busy ako sa pag-aayos ng buhok ko.
Nakiusap akong bumalik muna sa ZSD Tower para balikan ang trabaho ko ro'n. Dalawang linggo na rin naman ang nakakaraan at ilang mga papel na lang ang kulang para sa kasal namin nito. Dalawang buwan mula ngayon.
"Gusto kong malibang muna habang naghihintay ng kasal natin," sagot ko.
"Sure ka ba?" paniniguro nito.
Nang matapos mag-ayos ng buhok ay nilapitan ko ito. Nakaupo kasi ito sa ibabaw ng kama ko.
Yes, kama ko. Bumalik ako rito sa apartment na kinuha ni Lara dati para sa akin. Hindi muna ako pumayag na magsama kami sa unit nito bilang respeto na rin sa mga magulang ko. At salamat na rin dahil hindi na ito nangulit sa bagay na iyon. Although minsan pumupunta
