CHAPTER FORTY-SIX
AMBER'S POV
NAGLILINIS ako ng maliit na apartment ko nang makarinig ako nang sunod-sunod na katok. Sandali kong binitawan ang hawak kong walis at tumayo.
Kunot-noo akong naglakad papunta sa pintuan. Wala naman kasi akong inaasahang bisita dahil may pinuntahan si Zeus ngayong araw. May aasikasuhin daw ito. Gusto niya akong sumama pero tumanggi ako dahil mas gusto kong dumito muna sa bahay.
Gusto kong mag-relax muna dahil dalawang linggo na lang ay ikakasal na kami nito. Last week ko na rin kasi rito sa apartment dahil uuwi na ako sa Tagaytay para sa nalalapit na kasal namin.
"Sino ba itong kumakatok at parang madaling-madali?" tanong ko sa aking sarili habang papalit sa pinto.
Isang babaeng hindi ko pa nakikita kahit kailan ang napagbuksan ko ng pintuan. Nagmukha
