Chapter 72
Galit na galit ako kay Darren dahil sa sinabi niya. Ano ba’ng akala niya? Kaladkarin ako? Hindi porke may ginawa kami dating kababalaghan sa bakanteng classroom nung kami pa, gagawin ko na rin sa iba. Gago siya. Kung alam lang niya na wala naman akong ibang minahal kundi siya.
Dagdag atraso itong sinabi niya sa’kin. Naku! Never talaga siya magiging goods sa’kin!
Hindi na ko umattend ng klase niya after niya kong insultuhin. Ayokong makita ang pagmumukha niya.
"Hoy Sabrina! Makabalot ka naman diyan sa lumpia, madudurog ‘yan!" saway ni Tonyo na inalalagay sa mga echo bag ang mga transparent tupperware ng mga shanghai na nabalot ko. Last puhunan ko na kaya kailangang makabawi.
"Ay sorry, may naalala lang ako."
"Sino? Si kapitan Ambo? Bad trip ka talaga doon ‘no? Ingat ka nga
