Chapter 77
"Thanks!" sabi ko kay Darren nang makababa ako sa kotse niya.
"Okay, pasok ka na sa loob, kita na lang tayo mamaya, may pupuntahan lang ako saglit," paalam niya.
"Uhmmm okay! Bye!" kaway ko. Nag-uturn na siya, tinanaw ko pa siya habang palayo saka ko binuksan ang gate.
Napatda ako dahil pagpasok ko ng gate hindi ko nakita si Darna sa dog house. Usually dapat tumatahol-tahol na ‘yon pag narinig niyang nagbubukas na ako ng gate.
Hindi ko alam pero biglang tumahip ang dibdib ko lalo na noong masilip kong wala talaga siya sa loob ng dog house.
"Darna? Darna! Bebe?" tawag ko at luminga-linga sa paligid.
Paiyak na ko dahil hindi ko siya makita sa paligid ng bakuran namin. Nakakawala kaya? Pero imposible, matibay ang pagkakalock ko sa kadena niya.
Pumasok ako ng bahay, nandoon
