"I SEE," mahinang usal ko nang marinig ang paliwanag ng mga pulis na siyang nag-imbestiga sa nangyaring sunog sa Antipolo.
Dahil sa ginawang pagsugod ni Yohann sa kompanya noong nakaraang linggo ay gumawa na ng aksiyon ang mga magulang ko para linisin ang pangalan ng mga Montealegre. Kaya naman ay nakipagkooperasyon sila sa mga opisyales sa barangay sa Antipolo para magsagawa ng isang imbestigasyon para malaman na at mailabas ang totoong may pakana sa sunog. At base sa imbestigasyon, talagang walang kinalaman ang mga magulang ko sa sunog. Naganap lang ito dahil sa sirang poste na sumabog. At dahil dikit-dikit ang bahay pati na rin ang kable ng kuryente ay agad itong kumalat sa lugar at lumaki.
Napatingin sa akin ang mga taong nasa opisina ng ama ko nang tumayo ako mula sa kinauupuan.
"I
