Nakatitig lang ako sa malapad na likod ni Andoy habang naglalakad. Gusto ko mang tumabi sa lalaki ngunit hindi kami magkakasya. Hindi naman kasi maluwag 'yong daanan eh. Tama lang para magkasya ang isang tao. Kung ipipilit ko pa na tumabi sa lalaki ay magmumukha kaming sardinas na nagsisiksikan sa lata.
"Hays," buntong-hiningang sambit ko. Hindi ko alam kung dahil sa madilim lang at malamig 'yong paligid kung kaya't nagtatayuan ang mga balahibo ko sa katawan. Pakiramdam ko kasi may nakatingin sa akin. Napa-praning ako. Takot pa naman ako sa dilim.
Dahil sa lalim ng pag-iisip ko ay hindi ko namalayan na huminto pala sa paglalakad si Andoy. Napatigil din ako sa paglalakad nang tumama ang noo ko sa matigas nitong dibdib. Sapo ang noo, tumingin ako sa mukha ni Andoy na ngayon ay malagkit n
