"Sino itong magandang dilag na siyang kasama mo, Heneral Francisco?" Nagtinginan ang lahat ng tao sa amin. Kanina nga lang pagpasok namin ay agaw-pansin na kaming dalawa. Pinag-uusapan kami at hindi ko maiwasang mag-alala. Malay mo at baka pinag-tsitsismisan na kaming dalawa ni Francisco.
"Heneral Ruiz!" masayang bati ni Francisco sa kaharap naming matandang lalaki. Hindi ko siya pinagtuunan ng pansin dahil abala ang mga mata ko sa aking paligid.
Nararamdaman ko na parang nagniningning ang siyang mga mata ko ngayon habang tinitingnan ang mga kagamitan na naririto. Namamangha ako sa ganda at ayos ng pagtitipon na ito. Ibang-iba sa nakasanayan kong party life sa present time. Sa panahong ito ay labanan ng class at yaman. May nakikita akong malaking piano sa harap, mga violin at orkestra n
