"Hmm… " Naiilang na napatingin ako kay Tiya Hermana nang titigan niya ako mula hanggang paa. Para bang sinusuri nitong ang hubog at sukat ng aking katawan. "Sa palagay ko naman ay magkasing-liit ang mga beywang nating dalawa. Gan'yan rin kanipis ang katawan ko noon," ani pa nito.
Nang matapos niya akong tingnan ay may kinuha itong hubog parisukat na parang box. Hinuha ko ang lagayan iyon ng damit. Tahimik lang akong nagmamasid sa ginagawa nito. Hanggang sa inilabas ni Tiya Hermana ang isang kulay puting kasuotan. Terno iyon mula sa pang-itaas hanggang sa saya. Masasabi kong maganda at bongga ang disenyo nito na may mga burda pa ng mga iba't-ibang klase ng bulaklak.
"Ang ganda!" komento ko. "Animo'y damit pang-kasal!"
"Maganda ba? Kinaiingat-ingatan ko ang traje na ito," si Tiya Herman
