From what I've heard from them. Mag-asawa silang dalawa at matagal nang naninirahan sa kagubatang ito ng Guerrero. Wala silang anak at tanging ang pinagkukunan lang nila ng kabuhayan ay ang mga tanim nilang gulay na nasa gitnang bahagi ng kagubatan. Kaya nga nakita ako ni Mang Pedring kanina ay dahil malapit lang pala ang mga tanim nito sa kung saan ako nahimatay.
Nalaman ko rin sa mag-asawa na isang mayamang pamilya ang nagmamay-ari ng lupaing kinatitirikan ng bahay nila. Nang makababa ay marahan akong umupo sa kahoy na upuan nila. Pahaba iyon at gawa naman sa kawayan ang lamesa nila. Inilibot ko ang aking paningin sa buong kubo. Maliit lamang ito, gawa sa nipa ang bubong at gawa naman sa kawayan ang mga dingding.
"Kumain ka, hija." Itinigil ko ang paglilibot ko sa aking paningin nang
