"Teka? Bakit mo iniimapake iyang mga damit ko, Moning?" nagtataka na tanong ko sa babae.
Kanina lang ay nalaman ko na maagang nagpunta si Francisco rito sa bahay. Dito nag-agahan ang lalaki at nag-usap sila saglit ni Senyor Fabian. Hindi ko naman alam kung anong pinag-uusapan nila atsaka wala rin naman akong pakialam. Sa lahat ng nasaksihan kong karahasan ay parang nawalan ako ng lakas para kumilos. Nariyan pa rin ang takot sa isip ko na baka ay mahuli na kaming tuluyan ni Andoy. Lagi akong tulala at gusto kong mapag-isa. Sinubukan ko ngang kausapin si Andoy pero mukhang umiiwas din ang lalaki lalo pa at nag-iingat kaming dalawa. Kating-kati akong mangumusta sa lalaking iniligtas namin pero hindi ako makakuha ng tiyempo para umalis.
Marami akong nais marinig at malaman. Sinubukan ko rin
