#Duplikado
CHAPTER 79
Mag-isa akong nakaupo sa mahabang sofa. Malalim na nag-iisip. Hanggang ngayon ay hindi pa rin lumalabas ng kwarto si Alexander. Si Jerold naman ay nasa banyo at naliligo.
Napabuntong-hininga ako. Napatingin ako sa maleta na iniwan ko kanina sa tabi ng pintuan. Naglalaman iyon ng mga gamit ko na ginamit ko sa ospital.
Naisip ko na kailangan kong umalis dito. Nandito na si Alexander at hindi ko na kailangang manatili pa sa piling ni Jerold. Hindi na dapat ako umasa pa sa kanya simula ngayon.
Tumayo ako mula sa inuupuan ko, naglakad palapit sa maleta. Muli akong napabuntong-hininga at hinawakan ang handle ng maleta, may diin.
Napapikit ako ng mga mata, may nagsasabi sa akin na hindi dapat ako umalis ngunit may nag-uudyok na rin sa akin na a
