KABANATA 38
BLAKE
Mamaya pa ang klase ko, but I decided to wake up early para makasabay ko mag-breakfast ang parents ko. I’m excited to tell them the good news. Hindi ko na sila naabutang gising nang dumating ako kagabi galing kina Tina kaya ngayong umaga ko sasabihin sa kanila ang tungkol sa kasal at pamamanhikan namin.
Masaya akong pababa ng hagdan nang makasalubong ko si Nanay Sally. “Ang aga at mukhang maganda ang gising ng alaga ko. Bakit?” She’s smiling ear to ear nang makita ako.
Inakbayan ko siya. “Kami na po uli ni Tina. Bumalik na rin ang lahat ng alaala ko at I just got engaged.”
Napatingin siya sa ‘kin na nanlalaki ang mga mata. “Sa loob ng dalawang araw, nangyari lahat ‘yon?”
“Yes. Ang bilis po ‘no? But I’m not complaining instead I’m very happy and excit
