KABANATA 37
TINA
Pagmulat ng mga mata ko, si Blake agad ang unang pumasok sa isip ko. Napangiti ako nang maalala ang mga nangyari kagabi. Pagtingin ko sa kaliwang kamay ko, naroon pa rin sa daliri ko ang engagement ring na isinuot niya sa ‘kin. Hindi ko na nahubad kagabi dahil pagkabalik ko rito sa kwarto nina Inay, nakatulog agad ako.
Dahan-dahan akong bumangon ng kama upang hindi ko magising ang mga magulang ko na mahimbing pa ring natutulog. Kasisilip pa lang ng araw na ang liwanag ay pumapasok mula sa bintana namin na may manipis na kurtina. Nang mapatingin ako sa orasan, ala-sais pa lang ng umaga.
Nang lumapat ang mga paa ko sa malamig at semento naming sahig, hinanap ko ang mga tsinelas ko at isinuot ito. Tuluyan na akong tumayo. Bago ako maglakad palabas ng kwarto, sinulyapan
