CHAPTER TWENTY SIX
PunyeTEA
ERAH ALERIE (POV)
"Who's that?" tanong ni Aldrin. Saka siya huminto sa isang gilid upang abutin ang cellphone ko at inabot niya iyon sa akin. "Oh heto'ng phone mo."
Wala sa sarili kong kinuha ang telepono ko. Mahigpit ko iyong hinawakan.
"Masira naman yang LCD ng phone mo. Kung makahawak ka naman, hindi cotton yan. Kulang nalang din ibato mo yan sa panggigigil mo ah?" puna pa niya. Marahil halatang naiinis ako. Biglang kumulo ang dugo ko. Boses palang ng ama ko pinag-iinit na ang ulo ko. "Sino ba kasi yon?" inulit pa niya ang tanong niya kanina.
"Ang magaling kong ama." Tugon ko sa kanya habang lumilipad ang aking isipan.
Ilang saglit pa ay naramdaman ko ang kanyang kamay na tinatanganan ang aking mga kamay na mahigpit pa ring nakahawak sa cellphone ko.
