“Ah!” panabay na sigaw ng mag-pinsan at ng magkapatid habang pababa nang pababa ang lipad ng balbalon.
Sabay-sabay rin silang tumalon sa lupa bago pa man bumagsak ang halimaw direkta sa malaking sanga ng puno.
Tumama sa malaking puno ang balbalon saka tuluyang napadausdos paibaba sa lupa. Agad itong nilapitan ni Razen at inundayan ng sunod-sunod na suntok. Tinutulungan din siya ni Red. Sinugod nito ang halimaw at nagpakawala ng isang malakas na sipa. Tumilapon ang halimaw sa malayo, bagay na ikinagulat ni Razen. Nanlaki ang kaniyang mga mata sa kakaibang puwersang ipinamalas ng kasama.
“Ang lakas ko! Masarap sa pakiramdam!” wika ni Red at gulat na gulat pa dahil sa hindi makapaniwala sa taglay niyang lakas.
Nagtangka pa sanang tumakas ang balbalon. Kumilos at akmang lilipad paitaas ng
