Lumapit si Shyve kay Ozrhe at buong lakas na pinalo sa ulo ng huli ang kapirasong kahoy na nakuha niya. Naalis sa pagkakadagan si Ozrhe sa ibabaw ni Soeji at sandaling nawalan ng malay.
Labis ang pagkagulat ng dalaga nang makitang nakabulagta si Ozrhe sa lupa. Hindi niya akalain na sa lakas ng kagaya niya na karaniwang tao lang ay nagawang mapabagsak sa lupa ang isang halimaw. Saka niya napagtanto, dumidilim na pala at unti-unti nang tumatalab ang kapangyarihan ng nikdum na kaniyang taglay.
Binalingan ni Shyve ang nakahigang si Soeji. Tutulungan niya sana itong makatayo ngunit nag-aalangan siya dahil sa anyo nitong nakakatakot. Biglang lumapit si Malia at tinulungang makabangon ang anak. Hinawakan niya ang kamay nito saka inalalayang tumayo.
Sinamantala nila ang pagkakataon upang makat
