Kabanata 75
A L I S O N
Hindi nagbago ang ekspresyon ni Blake hanggang sa matapos magsalita ang kaibigan ko, kaya inakala ko na wala lang ang pinag-uusapan nila, na baka may pinapasabi lang talaga sa kanya si Tristan, dahil wala naman talagang ibang pwedeng maging dahilan nang pagkausap sa kanya ni Camila. Hindi naman iyon nakikipag-usap kung kanikanino.
Luminga si Blake sa paligid na para bang may hinahanap bago muling bumaling sa kaharap na si Camila. Nagsimula siyang magsalita nang hindi pa din nagbabago ang kanyang ekspresyon, nakatalikod sa direksyon ko si Camila kaya hindi ko makita ang ekpresyon niya. Hindi tulad ng napakahabang sinabi ni Camila, maikli lang ang naging tugon ni Blake.
Nakita kong tumango si Camila, kaya naisip kong tapos na silang mag-usap at aalis na siya, ng
