Kabanata 76
A L I S O N
Para akong nakalutang habang pabalik ako sa mga kaibigan ko. Hindi na din kami nagtagal sa sasakyan ni Blake dahil kailangan niya pang magtanghalian at natatakot din ako na baka tuluyan ko nang hindi mapigilan ang sarili ko sa kanya. Baka kung saan na kami mapunta kung mananatili pa kami doon kahit sandali lang.
Walang ibang laman ang isip ko kundi ang nangyari kanina sa loob ng sasakyan ni Blake. Masyado yata akong nagpadala sa mga halik niya, palagi naman akong nadadala sa halik niya pero iba ang kanina. May iba pa akong naramdaman na ngayon ko lang naramdaman at hindi ko maipaliwanag kung ano iyon. Para kaming pansamantalang nagkaroon ng ibang mundo sa mga oras na iyon.
“Huy, girl!”
Nahinto ako sa pag-iisip nang kalibitin ako ni June.
“Ayos ka lang? Kanina
